ਆਕਰਸ਼ਕ ਆਕ੍ਰਿਤੀ ਬਣੀ ਲੋਕਾਂ ਦੇ ਖਿੱਚ ਦਾ ਕੇਂਦਰ

ਜਲੰਧਰ, 29 ਨਵੰਬਰ (ਰਮੇਸ਼ ਗਾਬਾ): ਨਗਰ ਨਿਗਮ ਵੱਲੋਂ ਕੰਪਨੀਆਂ ਦੇ ਸਹਿਯੋਗ ਨਾਲ ਸ਼ਹਿਰ ਦੇ ਚੌਕਾਂ ਨੂੰ ਸੁੰਦਰ ਬਣਾਉਣ ਦਾ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਪਹਿਲਾਂ ਸ੍ਰੀ ਗੁਰੂ ਅਮਰ ਦਾਸ ਚੌਕ, ਬਬਰੀਕ ਚੌਕ ਤੇ ਕਈ ਹੋਰ ਚੌਕਾਂ ਨੂੰ ਸਵਾਰਿਆ ਜਾ ਚੁੱਕਾ ਹੈ। ਇਸੇ ਲੜੀ ਤਹਿਤ ਦੋਆਬਾ ਚੌਕ ਦਾ ਵੀ ਨਵੀਨੀਕਰਨ ਕੀਤਾ ਜਾ ਰਿਹਾ ਹੈ। ਹੁਣ, ਬੀ. ਐੱਸ. ਐਫ. ਚੌਕ ਦੇ ਬਿਲਕੁਲ ਨਾਲ ਇੱਕ ਵੱਡੇ ਆਕਾਰ ਦੀ ਘੁੰਮਦੀ ਹੋਈ ਆਕ੍ਰਿਤੀ (ਕਲਾਕ੍ਰਿਤੀ) ਸਥਾਪਤ ਕੀਤੀ ਗਈ ਹੈ, ਜੋ ਇਸ ਸਮੇਂ ਲੋਕਾਂ ਲਈ ਖਿੱਚ ਦਾ ਮੁੱਖ ਕੇਂਦਰ ਬਣੀ ਹੋਈ ਹੈ। ਇਹ ਵਿਸ਼ਾਲ ਆਕ੍ਰਿਤੀ ਬੀ. ਐੱਸ. ਐਫ. ਚੌਕ ਦੇ ਕੋਲ ਲਗਾਈ ਗਈ ਹੈ। ਜਦੋਂ ਇਹ ਕਲਾਕ੍ਰਿਤੀ ਰਾਤ ਵੇਲੇ ਘੁੰਮਦੀ ਹੈ, ਤਾਂ ਇਹ ਬਹੁਤ ਹੀ ਆਕਰਸ਼ਕ ਅਤੇ ਵਧੀਆ ਲੱਗਦੀ ਹੈ। ਇਸ ਚੌਕ ਦੇ ਨਜ਼ਦੀਕ ਨਵੀਨੀਕਰਨ ਦਾ ਕੰਮ ਕੈਪੀਟਲ ਸਮਾਲ ਫਾਈਨਾਂਸ ਬੈਂਕ ਵੱਲੋਂ ਕਰਵਾਇਆ ਗਿਆ ਹੈ। ਨਿਗਮ ਅਧਿਕਾਰੀਆਂ ਅਨੁਸਾਰ, ਆਉਣ ਵਾਲੇ ਸਮੇਂ ਵਿੱਚ ਕਈ ਹੋਰ ਚੌਕਾਂ ਨੂੰ ਵੀ ਇਸੇ ਤਰ੍ਹਾਂ ਸੁੰਦਰ ਅਤੇ ਖ਼ੂਬਸੂਰਤ ਬਣਾਇਆ ਜਾਵੇਗਾ। ਦੱਸ ਦੇਈਏ ਕਿ ਇਹ ਆਕਰਸ਼ਕ ਆਕ੍ਰਿਤੀ ਖ਼ਾਸ ਤੌਰ 'ਤੇ ਬੰਗਲੌਰ ਤੋਂ ਬਣ ਕੇ ਆਈ ਹੈ।

PUBLISHED BY LMI DAILY NEWS PUNJAB